اسلام میں با پردہ خواتین کا مقام:

اسلام میں با پردہ عورت کا مقام

اسلام نے عورت کو جو عزت اور مقام دیا ہے وہ دنیا کے کسی اور مذہب نے نہیں دیا۔ اسلام سے پہلے زمانہ جاہلیت میں عورت کو بوجھ سمجھا جاتا تھا، اس کو زندہ دفن کر دیا جاتا تھا، اس کو وراثت میں کوئی حق نہیں ملتا تھا۔ لیکن جب اسلام آیا تو اس نے عورت کو ماں کے روپ میں جنت، بیٹی کے روپ میں رحمت اور بیوی کے روپ میں سکون قرار دیا۔

اور اسلام نے عورت کی اس عزت کو بچانے کے لیے جو سب سے بڑا تحفہ دیا وہ پردہ ہے۔ پردہ عورت کے لیے قید نہیں ہے، پردہ عورت کے لیے عزت کی چادر ہے۔

پردہ کیا ہے؟

کچھ لوگ سمجھتے ہیں پردہ صرف کپڑا ہے، صرف چہرہ چھپانا ہے۔ لیکن اصل میں پردہ صرف کپڑے کا نام نہیں ہے۔ پردہ آنکھ کا بھی ہے، زبان کا بھی ہے، دل کا بھی ہے اور چال چلن کا بھی ہے۔

اللہ تعالیٰ نے قرآن میں پہلے مردوں کو حکم دیا کہ اپنی نظریں نیچی رکھو، پھر عورتوں کو حکم دیا کہ اپنی نظروں کی حفاظت کرو اور اپنی زینت کو چھپاؤ۔ اس کا مطلب ہے پردہ مرد اور عورت دونوں پر ہے، لیکن عورت کا پردہ اس لیے زیادہ اہم ہے کیونکہ اللہ نے عورت کو زیادہ خوبصورت اور زیادہ نازک بنایا ہے۔

با پردہ عورت وہ ہوتی ہے جو غیر محرم مردوں سے بے وجہ بات نہ کرے، بے وجہ ہنسے نہیں، اپنے کپڑے ایسے نہ پہنے جس سے اس کا جسم نظر آئے، اور اپنی آواز اور اپنے انداز میں حیا رکھے۔ پردہ عورت کی عزت کی حفاظت کرتا ہے

آج کل لوگ کہتے ہیں پردہ کرنے سے عورت پیچھے رہ جاتی ہے، اس کو آزادی نہیں ملتی۔ یہ بات بالکل غلط ہے۔

سوچو، جو چیز سب سے زیادہ قیمتی ہوتی ہے اس کو ہم سب سے زیادہ چھپا کر رکھتے ہیں۔ سونا اور ہیرا ہم کھلے میں نہیں رکھتے، اس کو لاکر میں رکھتے ہیں۔ اسی طرح اسلام میں عورت سونے اور ہیرے سے بھی زیادہ قیمتی ہے، اس لیے اللہ نے اس کو پردے میں رکھنے کا حکم دیا ہے تاکہ ہر بری نظر اس تک نہ پہنچ سکے۔

با پردہ عورت کو معاشرے میں عزت کی نظر سے دیکھا جاتا ہے۔ لوگ اس سے بات کرتے ہوئے بھی احترام کرتے ہیں۔ کوئی اس کو بری نظر سے نہیں دیکھتا، کوئی اس کے بارے میں غلط بات نہیں کرتا۔ پردہ عورت کے لیے ڈھال بن جاتا ہے۔

:حضرت فاطمہ اور حضرت مریم کی مثال

ہمیں پردے کی سب سے اچھی مثال حضرت فاطمہ رضی اللہ عنہا کی زندگی میں ملتی ہے۔ وہ نبی پاک صلی اللہ علیہ وسلم کی سب سے پیاری بیٹی تھیں۔ ان کی زندگی میں کبھی کسی غیر محرم نے ان کا چہرہ نہیں دیکھا۔ ان کا جنازہ بھی رات کے اندھیرے میں اٹھایا گیا تاکہ کوئی غیر محرم ان کے جنازے کو بھی نہ دیکھ سکے۔ یہ تھی ان کی حیا اور پردے کی محبت۔

اسی طرح حضرت مریم علیہا السلام کا قرآن میں ذکر ہے کہ وہ بہت پاک دامن اور با پردہ تھیں۔ اللہ نے ان کو پوری دنیا کی عورتوں پر فضیلت دی۔

جب اتنی بڑی ہستیوں نے پردہ کیا تو آج کی عورت کیوں پردے کو بوجھ سمجھتی ہے۔

ایک قصہ:

کیسی محفل میں ایک بزرگ نے اپنے ہاتھ کی مٹھی بند کی اور دب سے پوچھا بتاؤ،اسمیں کیا ہے ؟ کیسی نے کہا کہ اسمیں ہیرے ہیں ۔کیسی کا کوئی قیمتی موتی ہیں۔کیسی نے کہا کہ اسمیں سونا ہے۔جب ان بزرگ نے اپنی مٹھی کھولی تو اسمیں چند کنکریاں نکلی۔ینعی بند مٹھی میں کنکریاں ہیرے موتی کہلائی۔

اسطرح جب کوئی عورت پردہ کرتی ہے تو وہ سب سے قیمتی ہو جاتی ہے۔

قیمتی زیور:

ایک دفعہ مدینہ کی عورتوں میں بحث چھڑگئی کہ عورت کا سب سے قیمتی زیور کونسا ہے۔کیسی نے کہا،گلے کا ہار،کیسی نے کہا ہاتھ کے گہینے ۔کیسی کہا چلوں حضرت بی بی فاطمہ سے جاکر پوچھتے ہیں انکی کیا راۓ ہیں ۔سب بی بی فاطمہ کے پاس تشریف لے گئی اور اپنا سوال پیش کیا۔

بی بی فاطمہ نے فرمایا،

"عورت کا سب سے قیمتی زیور اسکی حیاء و شرم ہے"۔اگر یہ چلی جاۓ تو سب کچھ چلا جاتا ہے۔

: آج کی عورت اور پردہ

آج سوشل میڈیا کا دور ہے۔ ہر لڑکی چاہتی ہے اس کی تصویر کو زیادہ لائک ملیں، اس کی ویڈیو وائرل ہو۔ اس چکر میں وہ اپنا پردہ بھول جاتی ہے۔ وہ سمجھتی ہے بے پردگی سے اس کو عزت ملے گی، لیکن حقیقت میں بے پردگی سے عزت نہیں ملتی، صرف وقتی تعریف ملتی ہے۔ وقتی تعریف ختم ہو جاتی ہے، لیکن بدنامی ہمیشہ رہ جاتی ہے۔

با پردہ عورت آج بھی ڈاکٹر بن سکتی ہے، ٹیچر بن سکتی ہے، حافظہ بن سکتی ہے، اپنا کاروبار کر سکتی ہے۔ پردہ کبھی ترقی میں رکاوٹ نہیں بنا۔ رکاوٹ بنتی ہے تو صرف سوچ بنتی ہے۔

دنیا میں کتنی ہی با پردہ عورتیں ہیں جو بڑے بڑے عہدوں پر ہیں، لیکن انہوں نے اپنی حیا کو نہیں چھوڑا۔

پردہ عورت کو مضبوط بناتا ہے:

با پردہ عورت کو اللہ تعالیٰ خاص طاقت دیت:ہے۔ اس کا دل مضبوط ہوتا ہے۔ وہ شیطان کے حملوں سے بچی رہتی ہے۔ اس کو رات کو سکون کی نیند آتی ہے۔ اس کو یہ ڈر نہیں ہوتا کہ میری تصویر کہاں گئی، میری ویڈیو کس نے دیکھی۔

جو عورت پردہ کرتی ہے، اللہ اس کے گھر میں برکت دیتا ہے۔ اس کے بچے نیک ہوتے ہیں، اس کا شوہر اس کی عزت کرتا ہے، اس کے ماں باپ کو فخر ہوتا ہے۔

نتیجہ

اسلام میں با پردہ عورت کا مقام بہت اونچا ہے۔ پردہ عورت کی کمزوری نہیں، اس کی طاقت ہے۔ پردہ عورت کی قید نہیں، اس کی آزادی ہے۔ بے پردگی عورت کو بازار کی چیز بنا دیتی ہے، اور پردہ عورت کو گھر کی ملکہ بنا دیتا ہے۔

اس لیے ہر ماں، ہر بیٹی، ہر بہن کو چاہیے کہ وہ پردے کو بوجھ نہ سمجھے، اس کو اللہ کا تحفہ سمجھے۔ جس دن عورت نے پردے کو اپنا لیا، اس دن معاشرے سے بے حیائی، فحاشی اور گناہ ختم ہو جائیں گے، اور ہر گھر میں سکون اور عزت آ جائے گی۔

اللہ ہم سب کی ماؤں بہنوں بیٹیوں کو با پردہ اور با حیا بنائے۔ آمین۔

---

مصنفہ: تابندہ بانو